2015 jylǵy 26 naýryz, Astana qalasy
Qazaqstan Respýblıkasynyń avtomobıl joldarymen júrýge arnalǵan avtokólik quraldarynyń jol beriletin parametrlerin bekitý týraly
«Avtomobıl kóligi týraly» 2003 jylǵy 4 shildedegi Qazaqstan Respýblıkasynyń Zańy 13-babynyń 23-5) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynyń avtomobıl joldarymen júrýge arnalǵan avtokólik quraldarynyń jol beriletin parametrleri (budan ári – Parametrler) bekitilsin.
2. Qazaqstan Respýblıkasy Investısııalar jáne damý mınıstrliginiń Kóliktik komıteti (Á.A. Asavbaev):
1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmeleriniń merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa jiberilýin;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin 10 jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalar týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý mınıstrliginiń jetekshilik etetin vıse-mınıstrine júktelsin.
4. 2017 jylǵy 1 qańtardan bastap engiziletin Parametrlerdiń 20-babynyń 4) tarmaqshasyn qospaǵanda, osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń
mindetin atqarýshy J. QASYMBEK
«KELISILDI»
Qazaqstan Respýblıkasynyń
Qarjy mınıstri m.a.
_______________Beketaev R.B.
2015 jylǵy 17 sáýir
«KELISILDI»
Qazaqstan Respýblıkasynyń Ishki ister mınıstri
_______________ Q. Qasymov
2015 jylǵy 27 sáýir «KELISILDI»
Qazaqstan Respýblıkasynyń
Ulttyq ekonomıka mınıstri
_______________ E. Dosaev
2015 jylǵy 29 sáýir
«KELISILDI»
Qazaqstan Respýblıkasynyń Energetıka mınıstri
_______________ V. Shkolnık
2015 jylǵy 16 sáýir
Qazaqstan Respýblıkasy Investısııalar jáne damý mınıstriniń mindetin atqarýshysynyń
2015 jylǵy 26 naýryzdaǵy № 342 buıryǵymen bekitilgen
Qazaqstan Respýblıkasynyń avtomobıl joldarymen júrýge arnalǵan
avtokólik quraldarynyń jol beriletin parametrleri
1. Avtokólik quraldarynyń jol beriletin gabarıtteri
1. Avtokólik quraldarynyń jol beriletin gabarıttik parametrleri men basqa da syzyqtyq ólshemderi tómende keltirilgen mánderden (metrmen) aspaýy tıis:
1) jol beriletin uzyndyǵy:
júk, arnaıy beıimdelgen jáne arnaýly avtomobıliniń, ózi aýdarǵysh 12;
tirkeme 12;
eki bilikti avtobýstar 13,5;
eki bilikten artyq bilikteri bar avtobýstar 15;
býyndastyrylǵan avtobýs 18,75;
býyndastyrylǵan avtokólik quraly 20;
avtopoezdar 20;
2) jol beriletin eni:
barlyq avtokólik quraldary 2,55;
avtokólik quraldarynyń ızotermııalyq shanaqtary 2,6;
3) jol beriletin bıiktigi:
barlyq avtokólik quraldary 4,0;
2. Osy bólimniń 1-tarmaǵynda kórsetilgen avtokólik quraldarynyń jol beriletin ólshemderi ózine konteınerlerdi qosa alǵanda, alynbaly shanaqtardyń jáne júkterge arnalǵan ydystardyń ólshemderin qamtıdy.
3. Qozǵalys kezinde avtokólik quraly syrtqy radıýsy 12,5 metrmen jáne ishki radıýsy 5,3 metrmen shektelgen keńistik sheginde burylý múmkindigin qamtamasyz etýi tıis.
4. Tirkeý qurylǵysy ilmeginiń biligi men quramdastyrylǵan avtokólik quralynyń artqy jaǵy arasyndaǵy jol beriletin araqashyqtyq 15,5 metrden aspaýy tıis.
5. Tartqyshtyń artqy bóligi men tirkemeniń aldyńǵy bóligi arasyndaǵy araqashyqtyqty shegergende, shanaqtyń nemese kabınanyń syrtyndaǵy júkti ornatýǵa arnalǵan platformanyń aldyńǵy syrtqy núktesinen tirkemeniń artqy syrtqy núktesine deıin, avtopoezdyń boılyq biligine qatar ólshengen, jol beriletin araqashyqtyq 17 metrden aspaýy tıis.
6. Shanaqtyń nemese kabınanyń syrtyndaǵy júkti ornatýǵa arnalǵan platformanyń aldyńǵy syrtqy núktesinen jartylaı tirkemeniń artqy syrtqy núktesine deıin avtopoezdyń boılyq biligine qatar ólshengen, jol beriletin araqashyqtyq 17,5 metrden aspaýy tıis.
7. Avtokólik quralynyń shanaǵynda ornatylǵan júk avtomobıldiń nemese tirkemeniń (jartylaı tirkemeniń) artqy syrtqy núktesinen tysqary 1 metrden artyq shyqpaýy tıis.
8. Júk avtomobıliniń artqy biligi men tirkemeniń aldyńǵy biligi arasyndaǵy araqashyqtyq keminde 3 metr bolýy tıis.
9. Jartylaı tirkemeniń topsaly bekitpesiniń biligi men jartylaı tirkemeniń aldyńǵy jaǵynyń kez kelgen núktesi arasyndaǵy kóldeneń ólshengen araqashyqtyq 2,04 metrden aspaýy tıis.
10. Avtokólik quralynyń uzyndyǵyn ólshegen kezde avtokólik quralynda qurastyrylǵan mynadaı qurylǵylar esepke alynbaıdy:
áınekterdi tazartýǵa arnalǵan qurylǵylar men sý búrikkishter;
qarsy aldyńǵy betindegi jáne búıirlik tańbalaýshy plastınalar;
plomba salýǵa arnalǵan qurylǵylar jáne olardyń qorǵaǵysh buıymdary;
brezent bekitýge arnalǵan qurylǵylar jáne olardyń qorǵaǵysh buıymdary;
elektr jaryǵyna arnalǵan jabdyq;
artqy sholý aınalary men avtomobıldiń artyndaǵy keńistikti sholý úshin quraldar;
aýaarna tútiksheleri;
tirkemelermen jáne almaly-salmaly shanaqtarmen biriktirý úshin klapandar men aıyrǵyshtardyń uzyndyqtary;
shanaqqa shyǵýǵa arnalǵan basqyshtar, qosalqy avtopokryshkaǵa arnalǵan kótergish;
jumys jaǵdaıynda 200 mıllımetrden aspaýy tıis jáne daıyndaýshy belgilegen avtomobılge júk tıeýdiń shekti salmaǵyn ulǵaıtpaıtyndaı etip oryndalǵan kótergish platformalar, shyǵýǵa arnalǵan basqyshtar jáne ózge de uqsas jabdyqtar.
11. Avtokólik quralynyń bıiktigin ólshegen kezde avtokólik quralynda qurastyrylǵan:
antennalar;
kóterilgen qalyptaǵy pantograf esepke alynbaıdy.
Bilikti kóterýge arnalǵan qurylǵysy bar avtokólik quraldary úshin osy qurylǵy yqpal etýiniń áseri eskerilýi tıis.
12. Avtokólik quralynyń enin ólshegen kezde avtokólik quralynda ornatylǵan mynadaı qurylǵylar eskerilmeıdi:
plombalar, mórler úshin qurylǵylar men olarǵa arnalǵan qorǵaǵysh quraldar;
brezent bekitýge arnalǵan qurylǵylar men olardyń qorǵaǵysh buıymdary;
avtopokryshkanyń zaqymdalýyn anyqtaýǵa arnalǵan qurylǵylar;
sý búrikkishterdiń shyǵyńqy bólikteri;
jaryqtandyratyn jabdyq;
jumys jaǵdaıynda kólik quralynyń árbir jaǵynan 10 mıllımetrden artyq shyqpaıtyn, basqyshtardyń ilgeri nemese keıin qaraǵan basqysh buryshtarynyń keminde 5 mıllımetr, al olardyń jıekteriniń ıilý radıýsy – 2,5 mıllımetr basqyshtar, aspaly platformalar men ózge de uqsas jabdyqtar;
artqy jaqty sholý aınalary;
shınalardaǵy qysymdy ólsheý ındıkatorlary;
kóliktik qalypta ishke tartylatyn nemese jınalmaly basqyshtar nemese satylar;
joldyń ústińgi qabatymen janasý núktesinen shyǵyp turatyn avtopokryshka syrtynyń maıysqan bóligi.
2. Avtokólik quraldarynyń jol beriletin salmaqtary
13. Avtokólik quraldarynyń jol beriletin salmaqtary tómende keltirilgen mánnen (tonnamen) aspaýy tıis:
1) jeke avtokólik quraldary:
qos bilikti 18;
úsh bilikti 25;
tórt bilikti 32;
bes bilikti 38;
alty jáne odan da kóp bilikti 44;
áýe nemese oǵan balama aspasy bar avtokólik quraldarynyń jol beriletin salmaǵy jáne biliktik júktemeleri bir tonnaǵa ulǵaıady;
2) quramdastyrylǵan avtokólik quralynyń bir bóligin quraıtyn avtokólik quraldary:
qos bilikti tirkeme 18;
úsh bilikti tirkeme 24;
tórt bilikti tirkeme 32;
3) quramdastyrylǵan avtokólik quraldary:
ershikti avtopoezdar:
qos bilikti jartylaı tirkemesi bar qos bilikti tartqysh 36;
úsh bilikti jartylaı tirkemesi bar eki bilikti tartqysh 40;
tórt bilikti jartylaı tirkemesi bar eki bilikti tartqysh 40;
bes bilikti jartylaı tirkemesi bar eki bilikti tartqysh 44;
eki bilikti jartylaı tirkemesi bar úsh bilikti tartqysh 40;
úsh bilikti jartylaı tirkemesi bar úsh bilikti tartqysh 40;
tórt bilikti jartylaı tirkemesi bar úsh bilikti tartqysh 44;
úsh bilikti jartylaı tirkemesi bar tórt bilikti tartqysh 44;
tórt bilikti jartylaı tirkemesi bar tórt bilikti tartqysh 48;
4) avtobýstar:
qos bilikti 18;
úsh bilikti 25;
topsamen býyndastyrylǵan úsh bilikti 28;
topsamen býyndastyrylǵan tórt bilikti 32.
3. Avtokólik quraldarynyń jol beriletin biliktik júktemeleri
14. Avtokólik quraldarynyń jol beriletin biliktik júktemeleri tómende keltirilgen mánderden (tonnamen) aspaýy tıis:
1) dara bilik úshin (jaqyn ornalasqan bilikterdiń arasyndaǵy araqashyqtyq 2,0 metrden asqan kezde) 10;
2) bir qatarly dońǵalaqtary bar júk, arnaıy beıimdelgen jáne arnaýly avtomobılderdiń, ózi aýdarǵyshtyń, avtobýstyń, tirkemelerdiń nemese jartylaı tirkemelerdiń qosarlanǵan bilikteri úshin biliktik salmaqtarynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 12,0;
1 metrden 1,3 metrge deıin 14,0;
1,3 metrden 1,8 metrge deıin 16,0;
1,8 metrden 2 metrge deıin 17,5-den aspaýy tıis;
3) qos qatarly dońǵalaqtary bar júk, arnaıy beıimdelgen jáne arnaýly avtomobılderdiń, ózi aýdarǵyshtyń, avtobýstyń, tirkemelerdiń nemese jartylaı tirkemelerdiń qosarlanǵan bilikteri úshin biliktik salmaqtarynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 14,0;
1 metrden 1,3 metrge deıin 16,0;
1,3 metrden 1,8 metrge deıin 16,5;
1,8 metrden 2 metrge deıin 18,0-den aspaýy tıis;
4) bir qatarly nemese qos qatarly dońǵalaqtary bar júk, arnaıy beıimdelgen jáne arnaýly avtomobılderdiń, ózi aýdarǵyshtyń, avtobýstyń, tirkemelerdiń nemese jartylaı tirkemelerdiń qosarlanǵan bir kóterý (lenıvtik) biligi úshin biliktik salmaqtarynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 11,5;
1 metrden 1,3 metrge deıin 13,5;
1,3 metrden 1,8 metrge deıin 15,5;
1,8 metrden 2 metrge deıin 17,5-den aspaýy tıis;
5) bir qatarly dońǵalaqtary bar júk, arnaıy beıimdelgen jáne arnaýly avtomobılderdiń, tirkemelerdiń nemese jartylaı tirkemelerdiń qosarlanǵan úshtik biligi úshin biliktik salmaqtarynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 16,5;
1 metrden 1,3 metrge deıin 19,5;
1,3 metrden 1,8 metrge deıin 22,5;
1,8 metrden 2 metrge deıin 24,5-den aspaýy tıis;
6) qos qatarly dońǵalaqtary bar júk, arnaıy beıimdelgen jáne arnaýly avtomobılderdiń, ózi aýdarǵyshtyń, tirkemelerdiń nemese jartylaı tirkemelerdiń qosarlanǵan úshtik biligi úshin biliktik salmaqtarynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 17,5;
1 metrden 1,3 metrge deıin 21,0;
1,3 metrden 1,8 metrge deıin 24,0;
1,8 metrden 2 metrge deıin 26,5-den aspaýy tıis;
7) bir qatarly dońǵalaqtary bar, bilikteriniń sany úshten asatyn júk, arnaıy beıimdelgen jáne arnaýly avtomobılderdiń, ózi aýdarǵyshtyń, tirkemeler men jartylaı tirkemeler, sondaı-aq sabaqtas tirkemeler men jartylaı tirkemeler úshin biliktik salmaǵynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 5;
1 metrden 1,3 metrge deıin 6,10;
1,3 metrden 1,8 metrge deıin 7;
1,8 metrden 2 metrge deıin 7,5
bolǵanda, árbir bilikke túsetin júktemeden aspaýy tıis;
8) qos qatarly dońǵalaqtary bar, bilikteriniń sany úshten asatyn júk, arnaıy beıimdelgen jáne arnaýly avtomobılderdiń, ózi aýdarǵyshtyń, tirkemeler men jartylaı tirkemeler, sondaı-aq sabaqtas tirkemeler men jartylaı tirkemeler úshin biliktik salmaǵynyń somasy bilikterdiń arasyndaǵy mynadaı araqashyqtyqtarda:
0,5 metrden 1 metrge deıin 5,5;
1 metrden 1,3 metrge deıin 6,5;
1,3 metrden 1,8 metrge deıin 7,5;
1,8 metrden 2 metrge deıin 8
bolǵanda, árbir bilikke túsetin júktemeden aspaýy tıis.
15. Osy avtokólik quralynyń eń jaqyn biligine deıin 2,0 metrden asatyn araqashyqtyqta ornalasqan bilik avtokólik quralynyń dara biligi dep esepteledi.
16. Avtomobıldiń nemese quramdastyrylǵan kólik quraldarynyń jetekshi biligine nemese jetekshi bilikterine beriletin salmaq avtomobıldiń nemese quramdastyrylǵan kólik quralynyń jıyntyq salmaǵynyń 25%-nan kem bolmaýy tıis.
17. Salmaqtyq júktemeler ýákiletti memlekettik organnyń sheshimi boıynsha jol tóseminiń kótergish qabileti tómen ýchaskelerinde aýa raıy-klımattyq jaǵdaılarǵa baılanysty azaıtylýy múmkin.
18. Avtokólik quraldarynyń salmaqtyq jáne (nemese) gabarıttik parametrlerin anyqtaǵan kezde ólshegish jabdyqtardyń belgilengen aýytqýlaryn eskeredi.
Bul rette aýytqý tasymaldaýshynyń paıdasyna sheshiledi.
4. Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynyń
zııandy (lastaıtyn) zattary shyǵarylymdarynyń jol beriletin normatıvteri
19. Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynyń zııandy (lastaıtyn) zattary shyǵarylymdarynyń jol beriletin normatıvteri tómende keltirilgen mánderge sáıkes kelýi tıis:
Avtokólik quraldarynyń jáne (nemese) olardyń qozǵaltqyshtary shyǵarylǵan el Ekologııalyq klasstar talaptaryna sáıkes keletin kólik quraldarynyń shyǵarylǵan jyldary
4-klass 5-klass
Eýropalyq Odaqqa* kiretin, benzın qozǵaltqyshtar 2007-tamyz 2009 M1-3 sanaty, N1 - 2009 qyrkúıegi jáne keıinirek
N2 sanaty - 2010 qyrkúıegi jáne keıinirek
N3 sanaty - 2008 qazany jáne keıinirek
Eýropalyq Odaqqa* kiretin, dızelder 2007-tamyz 2009 M1-3 sanaty, N1 - 2009 qyrkúıegi jáne keıinirek
N2 sanaty - 2010 qyrkúıegi jáne keıinirek
N3 sanaty - 2008 qazan jáne keıinirek
AQSh 2007 jáne keıinirek -**
Japon 2010 jáne keıinirek -
Indııa - -
Malaızııa - -
Qytaı - -
M3 sanaty 2012 qańtar jáne keıinirek
Koreıa 2007 jáne keıinirek -
Reseı 2010 jáne keıinirek -
О́zbekstan - -
Belarýs - -
Ýkraına - -
Eskertpe:
* Eýropalyq Odaqqa: Avstrııa, Belgııa, Bolgarııa, Ulybrıtanııa, Vengrııa, Germanııa, Gresııa, Danııa, Irlandııa, Ispanııa, Italııa, Kıpr, Latvııa, Lıtva, Lıýksembýrg, Malta, Nıderlandy, Polsha, Portýgalııa, Rýmynııa, Slovakııa, Slovenııa, Fınlıandııa, Fransııa, Chehııa, Shvesııa, Horvatııa jáne Estonııa kiredi;
**
1) «4-klass» jáne «5-klass» kestelerindegi (-) syzyqsha osyndaı avtokólik quraldarynyń ekologııalyq klasqa sáıkestigin rastaý Dońǵalaqty kólik quraldaryna, dońǵalaqty kólik quraldarynda ornatylýy jáne/nemese paıdalanylýy múmkin jabdyqtaý zattary men bólshekterge arnalǵan biryńǵaı tehnıkalyq nusqamalardy qabyldaý týraly jáne osy nusqamalardyń negizinde beriletin resmı bekitýlerdi ózara moıyndaý sharttary týraly kelisim
(1958 jylǵy Jeneva kelisimi) aıasynda berilgen qujat (BUU EEK erejesi negizinde konstrýksııanyń tıpi boıynsha resmı bekitý) negizinde júzege asyrylatynyn bildiredi;
2) avtokólik quraldarynyń jáne (nemese) olardyń qozǵaltqyshtary shyǵarylǵan el «Qytaı» boıynsha 4-ekologııalyq klass M3 sanaty boıynsha 2012 jylǵy qańtardan bastap jáne keıinirek, al basqa sanattaǵy avtokólik quraldary (-) syzyqsha úshin belgilengen tártipke sáıkes anyqtalady.
Qazaqstan Respýblıkasyndaǵy bastapqy tirkelýge arnalǵan M1 sanatty
avtokólik quraldarynyń shekti konstrýktıvtik parametrleri
20. Keden odaǵynyń «Dóńgelektik kólik quraldarynyń qaýipsizdigi týraly» 018/011 tehnıkalyq reglamentimen belgilengen mindetti talaptarǵa sáıkestikti baǵalaý (dáleldeý) týraly qujaty (Keden odaǵynyń kólik quralynyń tıpin maquldaý, Keden odaǵynyń kólik quraly konstrýksııasynyń qaýipsizdigi týraly kýáligi) nemese ulttyq zańnama sheńberinde berilgen qoldanystaǵy Qazaqstan Respýblıkasynyń sáıkestik sertıfıkaty joq M1 sanatty avtokólik quraldary:
1) buǵattaýǵa qarsy tejeý júıesi;
2) qarsy qaýipsizdik jastyǵy;
3) ISOFIX bekitý júıesi;
4) kúndizgi júrý ottary bolǵan kezde ǵana Qazaqstan Respýblıkasy aýmaǵynda bastapqy tirkeýge jiberiledi.
Buıryq Qazaqstan Respýblıkasynyń Ádilet mınıstrliginde 2015 jylǵy 8 mamyrda Normatıvtik quqyqtyq kesimderdi memlekettik tirkeýdiń tizilimine №11009 bolyp engizildi.